Den cuadro di e preparacionnan andando pa por habri aña escolar nobo na Augustus cu hopi energia y dinamismo, Minister di Enseñansa, Michelle Hooyboer- Winklaar a ordena pa laga asfalta 12 scol durante e vakantie escolar den luna di Juli. Esaki ta pa garantisa cu ora scol habri atrobe, cu alumnonan ta yega y topa cu un “new look” na scol, cu sin duda ta traduci su mes den un etapa nobo den nan educacion.
Teniendo cuenta cu e trabounan aki por sosode unicamente durante vakantie, a opta pa parti e proyecto den 3 diferente fase. Den e prome fase a haci Scol Preparatorio Prome Paso na Savaneta, Maria Goretti
School na Paradera y Colegio Hilario Angela na San Nicolas. Den e di dos fase a haci St. Michael School na Brazil, Imelda Kleuterschool na Oranjestad y Jacinta Kleuterschool na Dakota. Den e di tres fase a haci Colegio Sagrado Curason (kleine Kant) na Savaneta y Ta probecha e luna aki awor di vakantie pa haci e ultimo 4 scolnan, cu ta Colegio Sagrado Curason (grote Kant) na Savaneta, Pastor Kranwinkel na Paradera, Commandeur Pieterboerschool na San Nicolas y Ta un inversion total di mas o menos 600 mil florin den asfalt nobo pa e scolnan, di cual mayoria tin mas cu 20 aña sin haya mantencion. E trabounan aki ta hopi necesario pasobra asfalt kibra of sin mntencion, ta causa cu e muchanan ta cay y corta tur nan man y pia. E inversion aki pa asfalta 12 scol no ta alcansa pa tur, pasobra e intencion ta pa, segun ta dispone di mas fondo, pa sigui cu e trabounan di mantencion y pa renoba e asfalt riba e speelplaats nan. Gobierno tin un lista di peticion cu a drenta y sigur lo evalua cada un y haci un analisis hunto cu DOW, kende ta encarga cu e proyecto aki, pa asina aloca fondo pa e trabounan necesario aki.
