E polis Mericano cu a benta un studiante di Spring Valley High School na Columbia abou den klas, a haya su retiro. Segun su hefe, e agente no a sigui e procedura corecto.
Video di e momento cu e polis a actua contra e hoben muhe, a bay viral riba internet y a causa hopi reaccion den cuadro di violencia di polis, particularmente contra hende di color scur. E hoben (di color scur) no a sigui orden pa pone su cell un banda y despues no kier bandona e klas. E ora e docente a yama e polis, cu tabata staciona na e scol, pero ainda e studiante no kier a tende. Despues e situacion a sali for di man (fuente BBC).
