CBS investigacion termento presenta

Un programa cu Telefon pa Hubentud a desaroyo y implementa contra termento, tin un resultato positivo, segun un investigacion di Oficina di Estadistica (CBS) riba muchanan den klas 1 te cu 6 di 8 scol basico. E instancia a midi bou di 1373 mucha cu a participa. 56.6% tabata sufri di termento pero despues e programa e cantidad aki a baha pa 44%. Interesante pa mira tambe ta cu 20% di e muchanan ta indica cu ta adulto cu ta ter nan.

Ayera e instancia a presenta e resultadonan. Segun minister di Asunto Social, Paul Croes, cu tabata presente, e programa aki mester implementa riba tur scol oficialmente. Compara nos cifranan cu Hulanda y Merca, Aruba su indice di termento ta mas halto, e ta bisa, enfatisando e importancia di e programa.

Mas dato importante
CBS su investigacion ta mustra cu di e 56% di e muchanan cu tabata tenta prome e programa a keda introduci, 60% ta mucha muhe. Y di esunnan cu mes ta tenta, 43% ta mucha homber y 35% mucha muhe. Di e cantidad total un 71% di e mucha tenta, nan mes tambe ta tenta otro mucha. Pues nan ta abusado y victima.
E luganan caminda cu mas muchanan ta wordo tenta ta 1. Tereno di scol 2. Den klas sin maestro presente. 3. Den klas cu maestro presente 4. Den les di gym 5. Den gang 6. Den baño.

‘Por ta fatal’
Minister Croes: “Mi ta kere cu si nos kier sigi baha e cantidad di muchanan tenta, mayornan for di cas mester siña nan juinan riba e consecuencianan negativo cu termento tin riba e victimanan. Tin casonan conoci cu resultadonan fatal pa motibo di bullying, y esaki nos mester sigi combati y preveni.”

 

 

 

LEAVE A REPLY

Please enter your comment!
Please enter your name here