Fundacion Telefon Pa Hubentud Aruba ta contento di por ta hayando cooperacion di tur e scolnan participando den un proyecto pa bin cu un logo nobo pa e fundacion. E competencia di pintura aki lo tin participacion di varios scol na Aruba y na final e fundacion lo kier haya idea for di nan pa asina incorpora den e logo nobo pa Telefon pa Hubentud. Esaki ta cu e meta pa prepara e organisacion pa e proximo 20 a├▒a venidero.

Fundacion Telefon Pa Hubentud Aruba ta bezig actualmente cu diferente instrumentonan interno, adaptando esakinan pa asina ki haci e organisacion mas sostenibel. Un di e instrumentonan aki ta e logo, cual nan tin caba pa mas cu 20 a├▒a cu ta representa e trabao cu e fundacion ta haci, cual ta duna informacion na nos muchanan, nos hobennan y mayornan tocante ta kico ta e trabaonan cu ta wordo haci.

E logo ta algo hopi importante den bo organisacion, e ta comunica na bo grupo di meta kico ta bo vision y mision, e norma y balornan di bo organisacion. E fundacion ta conoci no solamente pa brinda servicio na nos muchanan y hobennan, pero tambe ta scucha hopi for di nan, no ta kere mas tocante papia tocante nos muchanan y hobennan pero mas bien papia cu nan. Esaki a zorg tambe pa via loke ta e ÔÇśjongere raadÔÇÖ cu tin na e fundacion for di 2019 cual ta duna diferente conseho riba con tin cu brinda e servicio na nos muchanan, kico ta e instrumentonan cu tin cu uza, y awor a wordo conseha con pa yega na un logo nobo tambe.

James Sneek, Director di Fundacion Telefon Pa Hubentud Aruba, ta bisa cu esaki a bira awor e proyecto titula ÔÇśPinta Nos LogoÔÇÖ, cual awor lo ta bezig ta start na scolnan actualmente na Aruba. Ta papiando aki di 7 scol basico na Aruba, for di Noord te cu San Nicolas, y tambe cinco scol secundario cu lo participa.

Nan lo haya diferente idea, pensamento, creatividad, fantasia for di nos muchanan y nos hobennan pa asina esaki wordo incorpora den un logo nobo. ÔÇťAsina ki nos lo tin un logo cu ta representa tambe e pensamento, e idea di e mucha y tambe e hoben,ÔÇŁ segun Sr. Sneek. Esaki lo ta 1200 mucha y hoben cu ta participando na e competencia di pintura aki, lo saca un ganador di cada scol cual lo tin un momento pa presenta su creatividad dilanti un grupo di hurado. Na final lo saca un ganador di scolnan basico y un ganador di scolnan secundario cu lo ricibi un premio cu por wordo uza pa su educacion of tambe su tempo liber.

 

LEAVE A REPLY

Please enter your comment!
Please enter your name here