13 persona asesina riba dia di eleccion na Venezuela

Diesun ciudadano a wordo asesina den e protestanan riba diasabra y diadomingo. E mortonan a cuminsa cay riba diasabra anochi, prome cu dia di eleccion mes, pa eligi miembro di e asamblea nacional constituyente, cu gobierno ta pretende di impone.

Mérida tabata e estado cu mas persona a fayece, cu cinco en total. E victimanan a wordo identifica como Eduardo Olave y Angelo Yordano Méndez, ambos asesina den cercania di e unidad educativo Simón Rodríguez; Marcel Pereira y Iraldo José Gutierrez, presuntamente ataca por pa ‘colectivo’, y un hoben no identifica ainda.
E periodista Leonardo León, coresponsal di El Nacional na Mérida, a señala cu e manifestantenan opositor tabata protesta den diferente parti di e luga pa opone e eleccion di e miembronan di e asamblea nacional constituyente.
Region di Andes ta sigui di luto, cu tres persona mas asesina. Den e sector Tucapé, municipio Cárdenas, di Táchira tabatin dos otro morto. Presunto individuo señala como ‘colectivo’ arma, cu ta pro gobierno, a asesina un menor di edad identifica como Luis Ortiz y e ex-polis Albert Rosales, di 53 aña.  E hoben Adrián Romero tambe a ser asesina diadomingo na Capacho Viejo, sin edad confirma, ta conoci cu el a muri durante reprecion di Guardia Nacional y colectivonan.

Otro manifestante, ainda no identifica, a muri durante nochi di 29 di juli, supuestamente pa impacto di bala den cabes. E hecho a sucede den e zona La Grita di municipio Jáuregui, estado Táchira.
Na Cumaná, estado Sucre, durante marduga, a asesina e dirigente hubenil di Accion Democrática,  Ricardo Campos. E victima tabata participa na un manifestacion cerca di su luga di residencia.

E deportista di Lara Luis Zambrano tambe a perde su bida na Barquisimeto na e sector Obelisco. E informacion a keda confirma pa diputado di Asamblea Nacional, Daniel Antequera. Den e mesun luga a asesina tambe Juan Gómez, di 32 aña di edad, cu a ricibi un tiro den e sector  Aguada de Grande, municipio Urdaneta.
Na ultimo ora a drenta mas denuncia di asesinato, cu ta pone e cifra total na 13, sin mayor detaye di e ultimo casonan aki.

You May Also Like

Colombia: Merca ta haci donacion di US$ 2,5 miyon pa refugiado Venezolano

(ElTiempo) — Merca a anuncia ayera cu lo haci donacion di US$ 2,5 miyon ...

Venezuela: Sin coriente, transporte, awa, placa y solucion

E productonan mas busca den e dianan aki na Venezuela ta jerrycan, bela y ...

Comunidadnan di afro descendiente na Colombia apenas ta haya tera propio

(ElTiempo) – E comunidadnan di afro descendiente na Colombia, agrupa den 271 conseho comunitario, ...

Colombia: ELN cu cese al fuego pa Semana Santa

E cese al fuego unilateral pa motibo di Semana Santa, cu a ser anuncia ...

Jamaica: Otro districto bao di estado di emergencia pa crimen violento

Un di dos districto a ser proclama bao di estado di emergencia na Jamaica, ...

Operativo di seguridad a haya 11 cadaver na Mexico

Ocho cadaver tabata den interior di un truck y tres curpa riba e porta. E curpanan ...