Ayera mainta den oranan di merdia un cantidad di 20 persona conforma entre residentenan y Arubianonan a yega for di aeropuerto di Maiquetia na Aruba despues cu nan a keda pega na e pais bisiña pa varios luna door di e pandemia di Covid-19.
Asina e Fundacion Venezolanos Unidos en Aruba a duna di conoce y tambe el a splica cu e personanan aki a haya cooperacion di e embahada Hulandes na Caracas cu a encarga di nan transporte for di cada di estado pa nan por yega te Hotel Eurobuilding na unda nan a keda un par di dia pa despues bay te aeropuerto internacional Simon Bolivar di Maiquetia y regresa pa Aruba, hunto cu nan tambe a bin e embahador di Antia Hulandes na Venezuela.
