23 edicion di International Pro-am Golf Tournament a yega

Di 25 pa 27 di augustus lo tin e di 23 edicion di ‘Aruba International Pro-am Golf Tournament’. Esaki lo tuma luga riba e prestigioso cancha di golf di Tierra del Sol Country Club & Spa. Aruba Tourism Authority conhuntamente cu otro patrocinadonan ta organisa e evento cu e expertonan di Tierra del Sol Resort & Golf. E torneo di golf aki ta un torneo masha popular mes internacionalmente y specialmente den e paisnan di Latino America.

Aruba Tourism Authority ta haci uzo di e evento di golf aki pa promove Aruba den Latino America, Estados Unidos y Europa cu cooperacion di A.T.A. su oficinanan na varios pais, ta organisa diferente torneonan cualificatorio caminda e ganadonan di cada pais ta ricibi e oportunidad di bin hunga e final na Aruba. Tur A.T.A. su oficina di PR den tur mercado ta contribui grandemente y ta haci tur esfuerso pa promove Aruba den mundo di golf. Pa e torneo aki cada ekipo di golf ta consisti di 5 golfista ,cu ta 1 Profesional y 4 Amateur. E aña aki, oficina di A.T.A. situa na Hulanda a tuma e iniciativa pa invita Geert de Vlieger y Karl Vannieuwkerke pa e torneo aki. Sr. De Vlieger ta un futbolista profesional retira procedente di Belgica y el a bira e prome ‘goalkeeper durante e torneo mundial di World Cup na aña 2002. Karl Vannieuwkerke ta un reportero di deporte – descendiente di Belgica, pero hopi conoci na Hulanda y na Belgica. Ademas ta un presentando di television y e ta skirbi buki como tambe e ta skirbi den prensa.

Pa Tierra del Sol ta un inmenso placer pa ta anfitrion di e evento aki un biaha mas, y ta yuda den e organisacion conhuntamente cu A.T.A pa e evento di Aruba International Pro-am Golf Tournament ta un Exito. Durante transcurso di añanan e torneo a demostra su derecho di existencia y ta sigui crece. Den e calendario anual di torneonan di golf cu a tuma luga na Tierra del Sol, e torneo aki ta den top y anticipacion ta grandi den Caribe.

E aña aki e torneo ta cera cu 28 ekipo en total di e paisnan cu lo participa ta: Belgica, Bermuda, Canada, Colombia, Corsou, Hulanda, USA, Inglatera, Venezuela, y naturalmente Aruba. Manera custumber e hungadonan apart di hunga golf tin un programa social hopi atractivo cu ta inclui brunch, dinner y fiesta di clausura cu entrega di trofeo na e ganadonan di e torneo 2017. Apart di e aporte di Aruba Tourism Authority y Tierra del Sol, e torneo ta conta tambe cu otro companianan manera Caribbean Mercantile Bank, Aruba Aloe, Little Switzerland, Maggy’s y Cerbes Presidente.

You May Also Like

Sarah Quita Offringa a gana prome competencia di PWA Freestyle Windsurfing

ORANJESTAD – Durante fin di siman Sarah Quita Offringa a logra gana e prome ...

Playoff Femenino Heineken di Aruba Softball Bond a continua

Campeonato HEINEKEN di Aruba Softball Bond dedica na dos baluarte Sra. Bertha Wolf Croes ...

Canada ta vence Rusia 5-1 den mundial di hockey femenino

ESPOO, Finlandia (AP) — Natalie Spooner a anota un ‘hat trick’ pa Canada den ...

Feyenoord ta huur Cuco Martina pa resto di temporada di Everton

Feyenoord ta trece Cuco Martina bek na e Eredivisie. E ex- defensa di FC ...

Xander Bogaerts ta cera contrato di 132 miyon dollar!

Beisbolista Arubiano Xander Bogaerts ta continua cu e ekipo di Boston Red Sox pa ...

Aruba Table Tennis a tene nan torneo di Ranking

E federacion di tennis di mesa a tene nan prome torneo di ranking pa ...