Polis a rescata casi 350 victima di traficacion na 13 pais den e region Latino America y Caribe. E operacion ta yama Operacion Libertad.
Aruba tambe tabata envolvi manera ya a bira conoci un par di siman pasa ora husticia a drenta varios luga manera hotelnan, joyerianan y tambe un luga ilegal di prostitucion. Nan a enfoca entre otro riba un grupo procedente di India cu ta den negoshi di joyeria y restaurant.
Segun BBC awe e Operacion Libertad a scapa hende homber, muhe y muchanan forsa di traha den club nocturno, na fabrica, mercado, mina etc. Nan a haya hende trahando den luga no mas grandi cu un caha di morto.
Canada a financia e operacion pa 2,5 aña largo y a percura tambe pa e training di specialistanan pa e team su tras. Polis di Aruba, Corsou, Turks & Caicos y tambe Brasil y Venezuela tabata envolvi.
