Dialuna marduga a sucede un tiramento durante un famoso festival di musica electronica na Playa del Carmen, na parti oost di Mexico, lagando cinco hende cu a fayece y varios persona herida, fuente di gobierno di Mexico a informa. E tiroteo a cuminsa paden di e disco Blue Parrot, y e situacion ey a origina cu tur hende cu tabata aden pa festival BPM a cuminsa core, segun Cristina Torres, alcalde di municipio Solidaridad, na cual Playa del Carmen ta pertenece. Di otro banda e cadena di television Televisa di Mexico a informa di 5 morto y 12 herido, segun fuente di gobierno a aclara na nan. “Nos ta kere cu dos di e personanan cu a fayece ta Mexicano y otro tres ta stranhero”. Autoridad di Mexico ta bay comunica cu consulado di Colombia, Canada y Merca pa informa tocante nan ciudadano cu a fayece, alcalde Torres a bisa. “Segun algun informacion un persona a dispara, pero nos tin version diferente tocante cu e atake aki, Torres a bisa.
Playa del Carmen ta keda 79 kilometer sur di Cancun. Cu awa colo turkesa e ta region faborito di hopi turista di Merca, Canada y Europa. Normalmente no tin acto di violencia di banda di narcotrafico manera relaciona cu otra ciudad di Mexico.
