A2 update zika (NP) (1).jpg

500 mil florin a wordo aproba pa accion contra sangura cu ta transmiti Zika. Durante di un conferencia di prensa yama ayera merdia pa Minister encarga cu Salud Alex Schwengle, hunto cu dokter Wilmer Salazar a informa cu awor si Aruba tambe tin transmision local di Zika.

Manera ya nos a informa siman pasa ta cu nos tin 4 caso importa na Aruba y cu ta pendiente algun resultadonan mas drenta di caso sospechoso. Awo cu resultadonan a drenta a resulta cu tin 6 caso mas, y e 6 nan aki ta transmiti local, pues cu a wordo pica na Aruba mes. E proceso ta, cu e sangura mester a pica un persona infecta y asina bira pica un otro persona, cual ta haci cu e persona ey ta haya e virus. Como cu e sintomanan ta hopi leve hopi hende no sa mes si nan a haya e virus cual ta contribui na e manera lihe cu e virus por plama. Si un hende no raporta na su dokter cu e ta malo y e tin cierto sintoma esaki no por wordo controla, pues ta kere cu lo tin mas casonan na Aruba, Sr. Salazar a splica Bon Dia Aruba.

Pa e motibonan aki na mesun momento cu a haya e notificacion aki, den conseho di minister a aproba un suma di 500 mil florin pa un accion grandi, promocion y conscientisacion pa prevencion di sangura y cria di sangura. Esaki kiermen cu e ta un accion cu lo tuma luga riba henter Aruba, mas cu claro cu cooperacion di henter comunidad. Sr. Schwengle a splica cu informacion lo keda wordo duna na comunidad via di corant, television y tambe pa medio di colaboracion cu ATA y AHATA pa informa mundo turistico di locual cu ta wordo haci pa domina e situacion y pa tene e zona di hotel sin sangura, pa por tin un sentido di siguridad pa esunnan cu ta bishita nos isla. Tambe el a splica cu e reglanan t’ey caba y tin cu bay wordo implementa mas fuerte.

Control mas severo

“Cada biaha e control ta mas severo. Ta papia duro cu e hendenan y mustra nan riba nan responsabilidad, prome cu bay pa straf.” E ta sigui bisa cu claro no por keda duna chens tampoco y multa mester bin na dado momento. “Pero si mester duna hende chens pa cambia e sistema di biba, pero dado momento “one, two, three and you’re out.”

Bishitante

No por para trafico di hende, sino no tin economia na Aruba. E parti mas importante ta keda pa tin dominio, eliminacion di tur criadero, pasobra si no tin e sangura of un cantidad limita, si tin transmision di virus mes, e ta bay ta hopi limita of cero. Yobida ta importante pa naturalesa pero na mes momento comunidad mester cumpli pa mantene rond di cas limpi. Esaki ta algo segun Sr. Schwengle ta enfatisa cu ta tuma algun minuut como ta cuestion di cana controla rond di cas pa posibel cria di sangura. E isla semper ta wordo controla pa esaki a pesar cu no ta tur biaha e ta obvio, esaki tin di haber cu fumigacion cu ta tuma luga marduga, cambio di truck cu ya no ta pasa den dia mas y tambe cu no ta uza e producto cu kerosin (holo fuerte) Banda di esaki tin un tactica unda ta traha “target specific” cual ta wordo conseha pa PAHO. 

LEAVE A REPLY

Please enter your comment!
Please enter your name here