Defensa Hulandes ta informa cu nan a rescata 9 naufrago diasabra di un boto Panameño for di e lama Caribense.
E avion di kustwacht a descubri e boto anochi prome. E barco di marina Zr. Ms. Van Speijk tabata cerca conduciendo un control di rutina ora nan a ricibi e yamada cu e boto tabata den problema grandi. Na e momento ey e boto tabata sink y un rato despues a pega candela. A bordo tabatin 9 persona, esta 6 Venezolano, 2 Colombiano y 1 Dominicano. Nan a bula den lama. Tripulante di e barco di marina a cuminsa un operacion di rescate y asina saca e 9 naufrago for di lama por medio di un helicopter y barconan di rescate chikito. E boto a sink finalmente y no ta forma un peliger mas pa nabegacion, asina e barco di marina a sigura. Nan a pasa e 9 naufrago pa autoridadnan di Aruba pa nan lo sigui investiga e situacion.
