(NLTimes) – Un mayoria creciente di ciudadanonan Hulandes ta sostene implementa un prohibicion di humamento na e pais su lamanan, segun un encuesta reciend i HArt van Nederland.
61% di e participantenan a bisa cu nan ta na fabor di un prohibicion diseña pa crea ambientenan mas limpi y sano na costa pa medio di reduci e sushi di sigaria.
E empuhe pa regulacionnan mas estricto contra humamento ta sigui despues di Francia su accion, unda humamento ta prohibi na varios lama, parke y cerca di scolnan desde e zomer aki. Na francia, esnan cu viola e reglanan aki ta core riesgo di boet for di 135 pa 700 euro.
Mas aleu cu preocupacionnan di salud, varios Hulandes aparentemente ta mria e prohibicion como un paso practico pa combati e problema persistente di desperdicio di sigaria banda di e costa. Casi 7 di cada 10 participante ta kere cu un prohibicion na humamento lo significantemente reduci e sushi na lama, mientras cu 3 den 10 ta duda cu esaki lo tin hopi efecto.
Sosten pa e prohibicion ta varia amplaiemtne dependiendo riba preferencia politico. Votadornan alinea cu GroenLinks-PvdA y D66 a demsotra e sosten mas fuerte, cu aproximadamente 3 kwartal na fabor. PvdD tambe a manifesta un aprobacion halto.
Mientrastanto, oposicion ta mas pronuncia entre sostenedornan di FVD y PVV, cu un mayoria oponiendo e prohibicion. Sostenedornan di BBB, conoci pa nan posicion contra restriccion na humamento, tambe ta dividi riba esaki.
