Despues di e decision di dia 30 di juli 2025 di corte tocante dos Venezolano indocumenta na Corsou, varios individuo y organisacion a declara cu e gobierno a etermina cu Corsou no mag di detene personanan cu yega ilegalmente via boto. Esaki a causa preguntanan tocante si esnan gara ta drenta e pais di e manera aki mester ser laga den libertad – y kico esaki ta nifica pa Corsou su habilidad di por proteha su fronteranan.

Parlamentario di oposicion, Quincy Girigorie, a atende e mal conceptonan, enfatisando cu e corte no a haci e determinacion aki.

“Simplemente no ta berdad cu personanan cu yega ilegalmente via boto no por keda deteni mas,” Girigorie a declara na Curaçao Chronicle. “E decision ta hopi mas compleho y no ta kita e gobierno su habilidad di por proteha nos fronteranan.”

Kico e decision ta bisa berdaderamente

Girigorie a splica cu durante e caso, e ministerio a basa su decision di detene e individuonan indocumenta primeramente a base di e hecho cu nan a drenta e pais di manera ilegal, den e caso aki via boto. Bao e practica actual, cualkier persona cu purba drenta e pais di manera ilegal ta deteni cu deportacion pendiente.

Den contraste, esnan cu a drenta di manera legal – por ehempel, via aeropuerto – pero a keda mas largo cu e periodo legal di estadia no ta automaticamente deteni, na luga di esaki hopi biaha ta pone nan bao un “meldplicht”, un rekisito unda nan mester reporta, cual ta obliga nan provee detayenan di contacto na Inmirgacion y reporta den persona un biaha pa siman pa confirma cu nan ta keda disponible pa deportacion.

E corte a conclui cu e distincion aki no tin abse legal. E ley no ta haci un diferenciacion entre personanan indocumenta cu drenta di forma legal y esnan cu drenta den forma ilegal. Pa e motibo aki, no por husitifica un detencion solamente a base di entreda ielgal. Di acuerdo cu ambos tratadonan internacional y Corsou su cuadro constitucional, leynan local mester claramente regula e base pa detencion- incluyendo den facilidadnan di detencion – y esaki claramente no ta existi actualmente. Como resultado, e corte a haya cu e gobierno su practica actual ta fuera di ley.

Detencion ta posible ainda bao condicionnan specifico

Sinembargo, e decision no ta prohibi detencion en general. Corte ta di acuerdo cu e gobierno su argumento cu un persona cu drenta e pais di manera ilegal, sin un identificacion valido, sin un residencia, sin un fuente stabiel di ingreso y sin laso familiar na Corsou ta representa un posible menasa na orden publico y seguridad nacional y ta carga un riesgo lihe di sconde prome cu deportacion.

E corte a dicidi cu esaki ta base suficientemente fuerte y legitimo pa detencion.

Detencion mester ta e ultimo opcion

Girigorie a enfatisa cu a pesar di e argumentonan valido aki, corte a enfatisa cu detencion mester ta considera como e ultimo opcion. E ministerio mester evalua e circunstancia personal di cada caso individual pa determina si detencion lo ta desproporciona. Por ehempel, un persona cu malesa cronico cu no por ricibi tratamento facilmente bao detencion no mester keda deteni.

Decision balansa, no un porta habri

Resumi, Girigorie a describi corte su decision como ambos legalmente cuerdo y balansa – e ta confirma cu no tin base legal pa detencion automatico simplemente pa motibo cu a drenta e pais di manera ilegal, pero tambe a afirma e gobierno su base fuerte pa proteha Corsou su costa for di migracion irregular ora cu tin menasa na orden publico, seguridad nacional of riesgo di scapa. E gobierno ta rekeri di considera medidanan mas proporciona y menos restrictivo unda circunstancianan personal ta pidi esaki.

“E no ta un luz berde pa contrabandistanan,” Girigorie a enfatisa. “E ta un yamado pa gobierno usa detencion di manera responsable y consdiera alternativanan manera ‘meldplicht’ unda ta posible.”

E parlamentario a conclui cu Corsou mester traha den direccion di un trato husto di individuonan indocumenta – incluyendo acceso na conseho legal, actividadnan saludable durante detencion y regimen diferente di encarcelacion di prison standard – mientras cu e ta sigui proteha su fronternanan y garantisa cu tur hende drentando e pais haci esaki di manera legal y di acuerdo cu regulacionnan nacional.