(NLTimes)—Segun e organisacionnan di shelter na Hulanda, centenares di hende muhe den e pais ta obliga pa bolbe e shelternan di violencia tur aña pasobra nan abusadornan ta keda sin haya castigo. “Nos ta tende for di e organisacionnan aki cu nan ta luchando cu un falta di capacidad,” segun Essa Reijmers, coordinador di Valente, e organismo supervisor pa shelter di hende muher, a conta De Telegraaf. “Pero esey no por ta un excuus.”
El a conta e corant cu retrasonan den persecucion ta manda hende muher repitidamente den shelter, tin biaha bao “codigo cora,” unda nan no por sali pa varios luna, y nan yiunan no por bay scol.
Amber, un mama di dos mucha, a drenta un shelter pa di seis biaha den dos aña pa via di su ex-partner violento. “Esaki ta nifica cu mi no mag bay pafo pa tres luna,” el a conta De Telegraaf. “Ni mi yiunan mag.”
El a bisa cu el a wanta 15 aña di abuso fisico, mental y sexual, hayando sa mas despues cu su ex tabata conecta na crimen organisa y a bay prison pa posesion di arma y traficacion di droga. El a advirtie pa e no yama polis. Despues di lag’e den 2023, Amber a ricibi vivienda, pero pasobra el a keda cu derecho di costudia, el a sigui abusa di dje durante bishitanan cu su yiunan.
Amber a entrega un keho criminal y a entrega evidencia, incluyendo potret of heridanan, declaracionnan di testigo, y grabacion di audio. Pero el a bisa cu nada a pasa den e dos añanan cu a pasa. Desde e tempo ey el a entrega cuatro keho. “Polis ta bisa cu mi tin cu reporta tur cos,” Amber a conta e corant. “Pero nan no ta haci nada.”
Polis a conta De Telegraaf cu nan no sa si casonan tin biaha ta keda sin resolucion pa hopi tempo pero a reconoce un falta den personal cu ta obliga nan pa tuma nan decisionnan. Ministerio Publico (OM) a bisa cu en general e ta evalua kehonan rapidamente y cuidadosamente, tumando decision a base di evidencia si ta persigui of no.
