(CuraçaoChronicle) – Industria di wega di placa online na Corsou, cu pa largo a ricibi critica pa su supervision inadecuado, ta keda un di e fuentenan mas grandi di entrada exterior pa e isla. Un estudio internacional recien, cu a crea un mapa di reguladornan offshore di wega di placa, ta confirma loke tabata rumornan den circulonan financiero y politico pa añas: economia di Corsou ta vincula profundamente na e entrega genera pa miles di operadornan di wega di placa online registra na e isla.

Pa decadas, Corsou a posiciona su mes como un di e prome hubnan na mundo pa wega di placa online, otorgando licencia na companianan cu tabata sirbi hungadornan rond mundo. E modelo, incialmente maneha a traves di e asina-yama “licencianan master” y sub-licencia, a atrae operadornan cu tarifanan minimo, bareranan abao pa entrada, y tiki scrutinio regulador.

Segun e rapport, tarifa pa licencia y servicionan relaciona ta representa un fuente significante di ganashi di divisa pa Corsou, competiendo cu algun di e industrianan tradicional di e isla. Mientras cifranan exacto no ta ser publica, expertonan ta calcula cu wega di placa online ta contribui decenas di miyon anualmente na presupuesto di gobierno, bufete di abogado local, accountant y proveedornan di servicio di IT.

 

E dependencia pisa aki a crea un dilema politico: Di un banda, Corsou ta bao presion internacional – di Hulanda, Union Europeo y Financial Action Task Force (FATF) – pa reforsa control, combati labamento di placa, y duna miho proteccion na hungadornan. Di otro banda, regulacion mas estricto ta carga e riesgo di pusha e operadornan bay na hurisdiccionnan menos exigente, potencialmente lagando un bashi den finanzas publico di Corsou.

Economistanan ta adverti cu e dependencia aki ta haci e isla vulnerable pa cambionan repentino di politica. “Si e reformanan causa e operadornan pa muda, Corsou lo por enfrenta un reudccion skerpi den fluho di divisa,” un analista a nota. “Gobierno ta bay tin mester di yega na un balansa cauteloso entre cumplimento y competitividad.”

Curaçao Gambling Authority (CGA), encarga cu reemplasa e sistema di licencia anticua, ta spera di tin un rol clave den sigura cu e entradanan di wega di placa ta keda un parti sostenible di economia di e isla. Pa awo, sinembargo, e rapport ta subraya cu e stabilidad financiero di Corsou ta mara di cerca na un industrica cu ta enfrentando scrutinio global.