Fundacion Centro Famia Piedra Plat (FCFPP)ta invita un y tur pa asisti na e gran evento di clausura di e prome ciclo di e proyecto Let’s Act. E show, titula “Bario di Pasco Crioyo”, Cual lo tuma luga diasabra 13 di december na Piedra Plat # 50, for di 6:00 pa 10:00 PM.
Den e 8 luna cu a pasa, Let’s Act a duna espacio pa expresion creativo, y union familiar. Awor, nos ta celebra e frutanan di esfuerso comun cu un anochi di actuacion, canto, baile, pintura, pasarela,arte y hopi mas. Celebrando Aruba su cultura y tradicionnan di fin di aña hunto cu e otro nacionalidadnan cu ta biba na Aruba cu ta haci nos pais multicultural.
Tambe tin e posibilidad na personanan of instancianan cu kier ofrece nan productonan e dia aki manera: Cumindanan crioyo, bebidanan navideño,obranan di Pasco, artesania, healthy food, mata, productonan organico etc.
Tuma contacto cu FCFPP, registra y bin forma parti di e bunita y grandioso “BARIO DI PASCO CRIOYO” diasabra 13 di december for di 6:00 pa 10:00 PM.
Pa mas informacion por tuma contacto via number di cellular / whatsapp +297 6995545 of oficina Tel: 8585545 entre 10:00 am pa 6:00 pm. Email: fcfpp50@gmail.com
