FILE - Tesla vehicles line a parking area at the company's Fremont, Calif., factory, Aug. 5, 2025. (AP Photo/Noah Berger)

(AP) – E mayornan di un studiante cu a fayece den un accidente cu Tesla a bisa cu el a fayece den e candela y huma mientras e tabata purba pero fracasa di scapa for di e vehiculo a causa di un fayo den e diseño, cual ta haci dificil pa habri e portanan den caso di candela, un demanda entrega diahuebs a detaya.

E mayornan di Krysta Tsukahara a acusa cu e compania cu a yuda Elon Musk bira e homber mas rico na mundo tabata sa di e fayo aki pa varios aña y por a tuma accion lihe pa drecha e problema pero no a haci esaki, causando cu e hoben di 19 aña studiando arte a fayece di un manera horrible – kima den e candela y sofoca cu e huma.

Tesla no a contesta inmediatamente na peticion pa comentario.

E menasa legal nobo aki na Tesla entrega na Alameda County Superior Court ta bini net simannan despues cu reguladornan federal a habri un investigacion tocante kehonan di chauffeurnan di Tesla cu e portanan ta keda pega. E investigacion y demanda ta bini na un tempo delica pa e compania mientras e ta purbando di convence Mericanonan cu pronto su vehiculo lo ta suficientemente safe pa no tin ningun hende den e asiento di chaffeur.

Tsukahara tabata patras di un Cybertruck ora e chauffeur cu tabata bao influencia di alcohol y droga a dal contra un mata na San Francisco, segun e demanda. 3 di e 4 persona den e vehiculo, incluyendo e chauffeur, a fayece. Un di 4 a ser saca for di e vehiculo despues cu rescatista a kibra bentana pa sak’e.

E demanda a keda reporta prome pa The New York Times.