(AP) – E lamanan di santo blanco cerca di Florida su Gulf Coast a ser golpia pa 3 horcan aña pasa, iniciando un esfuerso di multi miyon dollar pa repara e costa cu ta e region su motor economico.
Ekiponan ta trahando na lama di Pinellas County cu ta inclui ciudadnan manera clearwater Beach, Indian Rocks Beach, Belleair Beach y Redington Beach. E ta un destino turistico cu te ainda ta recuperando di horcannan Helene, Milton y Debby.
Helene tabata esun mas destructivo pa e pueblonan cerca di lama, aunke el a subi tera mas pa nort. 12 persona a fayece na Pinellas County a causa di e tormenta fuerte cu a yega te 8 pia halto den algun sitio.
Den e ultimo añanan, U.S Army Corps of Engineers a hunga un rol grandi den e restauracion, pero e biaha aki no. Corps kier pa e doñonan di tereno priva inscribi na un sistema cu lo permiti gobierno tin acceso pa semper, un cambio cu a ricibi hopi resistencia.
Pues Pinellas County a tuma e decision di restaura e lama su mes, invirtiendo mas di $125 miyon den entrada di turismo pa cubri e gastonan. E condado tambe tin un programa similar, sinembargo pa motibo cu algun di e doñonan di propiedad no kier inscribi, lo tin algun uburaco den e renobacion di e lama cu por causa daño den futuro tormentanan.
“Nos no por hacie di e miho manera cu nos por,” Barry Burton, administrador di Pinellas County a bisa. “Nos deseo ta pa pone lama den henter e lama si ta posible.”
E proyecto ta haci pidi usa 2.5 yarda cuadra di santo cu ta saca for di oceano. Den luganan unda e doñonan di propiedad a nenga firma e acuerdo, lo pone santo nobo den direccion di e banda di e Gulf di e lama, cual ta publico. E lamanan actualmente lo ser amplia cu 30 meter.
