(NLTimes) – Studiantenan Hulandes cu a stop nan estudio caba ta bay enfrenta un tasa di interes tiki mas halto riba nan prestamo di studiante (studielening) durante proximo cinco aña, segun Dienst Uitvoering Onderwijs (DUO) a anuncia. Pa studiante actual, e tasa di interes riba prestamo ta bay baha di 2.57 pa 2.3 porciento.
DUO a bisa cu alrededor di 260mil persona ta bay mira nan tasa di interes nobo drenta na vigor na januari. Pa alumno pagando back nan debe durante 15 aña, e tasa di interes ta bay aumenta di 2.21 porciento na 2.29 porciento.
Pa esnan pagando durante 35 aña, e interes ta bay baha levemente di 2.57 pa 2.33 porciento. Ambos tasa ta keda significantemente bao di e 2.95 porciento registra algun aña pasa.
Actualmente, alrededor di 780mil ex-studiante ta riba un plan di paga back den 15 aña, y aproximadamente 264mil ta riba plan di 35 aña.
Sarah Evink, presidente di Intersedelijk Studenten Overleg (ISO) a describi interes di prestamo di studiante “manera un slot machine. Bo futuro ta den riesgo. Pa prome biaha den tres aña, e tasa di interes a baha. Esey ta un alivio grandi pa studiante, pero tambe ta mustra cu e porcentahe por cambia inesperadamente cada aña. Tin incertidumbre constante tocante e fluctuacion di costo di prestamo.”
Evink a agrega cu a pesar di e reduccion, interes di prestamo di studiante ta keda un gasto mayor. “Bida ta extremadamente caro, e beurs basico ta leu di ta suficiente, y studiantenan ta forsa pa fia. Hasta cu un tasa di 2.33 porciento, (ex-)studiante ta bay paga mas cu mita di nan debe den interes.”
