Entrante dialuna 13 di october te cu fin di 2025, e faro na Hudishibana lo ta cera pa publico. E motibo ta cu e monumento a yega na turno pa un mantencion grandi.
Stichting Monumentenfonds Aruba (SMFA) ta propietario di e faro y ta traha a base di un plan di mantencion caminda tur aña diferente di e monumentonan cu ta pertenece na e fundacion ta haya mantencion. Recientemente a termina cu trabounan na e Casita Geel na Weststraat y lo continua awor cu California Lighthouse. Debi na e ubicacion di e faro y su uzo diario e ta un di e monumentonan cu ta rekeri hopi mantencion. E trabounan lo ta den man di GPS construccion y lo tin un duracion di aproximadamente dos luna y mey. Entre otro lo haci reparacionnan na e top, murayanan y lo verf e faro su interior y exterior completamente.
SMFA ta gradici publico pa e comprension y cooperacion pa e periodo cu e faro lo ta cera.
