Diabierna 24 di october Corte Comun di Husticia a tene e soft launch di su website nobo www.ghvj.org
Cu e version preliminar aki, Corte ta dal un paso importante den direccion di un ambiente online mas moderno y accesibel. E version multilingual di e website lo sigui den un futuro cercano, y lo ta disponibel na Papiamentu, Papiamento y Ingles.
E website nobo lo keda den desaroyo continuo den e periodo binidero. Lo agrega, entre otro, material di video, informacion mas amplio tocante diferente tipo di caso y lo haci mehoracion riba area di accesibilidad pa personanan cu tin limitacion visual of auditivo.
Cu e website nobo aki, Corte Comun di Husticia ta desea di fortifica su servicio na publico aun mas y haci e poder hudicial den e parti Caribense di Reino mas accesibel pa tur hende.
