(AP) – Nvidia a bira e prome compania di $5 triyon, solamente tres luna despues cu e fabricante di chip di Silicon Valley a bira e prome den kibra e barera di $4 triyon.

Yegando e record nobo aki ta pone mas enfasis riba e transformacion cu ta ser libera door di inteligencia artificial cu ta ser ampliamente considera e cambio mas grandi den tecnologia desde cu e co-fundador di Apple Steve Jobs a presenta e prome iPhone 18 aña pasa. Apple a capitalisa riba e exito di iPhone pa bira e prome compania intercambia publicamente pa ser balora na $1 biyon, $2 biyon y eventualmente, $3 biyon.

Pero tin preocupacion di un posibel choke di AI, cu oficialnan di e Banco di Inglatera mas tempran e luna aki a señala e riesgo creciente cu prijs di accion di tecnologia inflama door di e popularidad di AI por bin na un stop. E hefe di e Fondo Monetario Internacional a bati un alarma similar.

E necesidad pa e chipnan di Nvidia ta e motibo principal pakico e prijs di accion di e compania a aumenta asina rapidamente desde comienso di 2023. Riba diaranson e accionnan a yega $207.86 durante trading di mainta tempran cu 24.3 biyon accion, pone su capitalisacion di mercado na $5.05 triyon.

Na comparacion, e balor di Nvidia ta mas grandi cu e GDP di India, Hapon y Gran Britania, segun e Fondo Monetario Internacional.

E CEO di Nvidia Jensen Huang a minimalisa preocupacion di un choke, bisando cu e chatbotnan di AI generativo cu tabata solamente “interesante” ora nan a tuma control un par di aña pasa awor ta bira asina util cu nan lo ta lucrativo.

Huang tabata dirigi pa Corea di Sur e siman aki mientras lidernan di economia mayor di Pacific Rim, incluyendo Merca, China y Hapon, ta reuni pa e cumbre anual di Cooperacion Economico di Asia-Pacifico cu desde hopi tempo ta defende comercio liber pero awor ta enfrentando tarifanan amplio di Merca riba tecnologia y otro producto.

E reunion multilateral na Gyeongju ta spera cu lo ser sigui pa un evento na banda — un reunion cara-a-cara riba diabierna entre Trump y e Presidente di China Xi Jinping — mientras nan guera comercial cu ta intensifica ta laga e organisado di Corea di Sur den un acto di balansamento dificil.

Riba diamars, Huang a revela $500 biyon den orden di chip. E compania tambe a anuncia un asociacion cu Uber riba robotaxi y un inversion di $1 biyon na Nokia, cu e dos planiando pa traha hunto riba tecnologia 6G.

Ademas, Nvidia ta uni cu e Departamento di Energia pa construi 7 supercomputer nobo di AI.

Luna pasa Nvidia a anuncia cu lo inversiona $100 biyon na OpenAI como parti di un asociacion cu lo agrega por lo menos 10 gigawatt di centro di dato di AI di Nvidia pa aumenta e poder di computacion pa e doño di e chatbot di inteligencia artificial ChatGPT.

Na augustus, Huang a bisa cu Nvidia tabata discuti un potencial chip di computer nobo diseña pa China cu e administracion di Trump. Trump a bisa riba Air Force One cu lo papia cu e presidente di China tocante e chipnan di Nvidia riba diabierna na e banda di e evento di APEC cu Huang tambe ta atende.

Na augustus, Trump a anuncia un acuerdo cu e fabricantenan di chip Nvidia y AMD pa cancela controlnan di exportacion riba benta di chip avansa pa China na cambio di un corte di 15% di e ingreso, pesar di preocupacion di expertonan di seguridad nacional cu chipnan asina lo termina na man di servicio militar y di inteligencia di China. E mesun luna ey, Trump a anuncia cu e gobierno di Merca a tuma un participacion di 10 procent den Intel cu un balor di rond di $11 biyon.

Despues, Nvidia a anuncia luna pasa cu ta inversionando $5 biyon na Intel y lo colabora cu e compania di semiconductor cu ta lucha.