Durante un ceremonia militar riba dialuna, 3 di november 2025, den oranan di mainta, Compania Rotacion 49 a entrega su tareanan na e siguiente unidad, Rotacion 50. E Comandante nobo, Capitan Roderik Willems di Schaarsbergen, a tuma mando di su predesesor, Mayor Marco Kamphorst, durante un ceremonia di e entrega tradicional di rema.

Despues di mas cu cuater luna intensivo den Region Caribe, Mayor Marco Kamphorst ta wak back cu orguyo riba e colaboracion y entrenamento di e di 43 Escuadron di Reconocemento di Brigada (Brigade Verkenningseskadron BVE) for di Havelte. Pa e despliegue aki, BVE 43 a ser reforsa den e despliegue aki cu un peloton di reconocemento di ingeniero di Wezep y dos grupo di evacuacion medico di Havelte. “Pa e unidad, e tabata un oportunidad unico pa trein den e clima tropical aki y colabora cu CZMCARIB y partnernan di siguridad local. Nos a siña hopi di operacion den e condicionnan dificil di Region Caribe como parti di e sede conhunto di CZMCARIB.

Corsou, Boneiro, y Aruba a brinda e pelotonnan di reconocemento e oportunidad pa engrandece nan habilidadnan militar general, y tambe pa entrenamento mas specialisa, manera tareanan di reconocemento y vigilancia tactico y tecnico, combati di cerca, (Close Quarters Battles) y despliegue di sistemanan no tripula y drone. Fuera di por a traha riba aumenta nos propio preparacion operacional, nos a colabora y entrena tambe cu e militarnan di Corsou, unidadnan di CZMCARIB, y partnernan local di siguridad. Tabata remarcabel pa mira con, a pesar di diferencianan den antecedente y metodonan di trabou, nos por a contribui conhuntamente na siguridad y stabilidad. Aunke tin biaha nos mester a ahusta nos ambicionnan, e periodo aki no solamente a aumenta nos conocemento y habilidadnan, pero tambe a fortalece nos conscientisacion situacionnan y lasonan cu nos partnernan den Caribe.”

E compania Charlie “Tiger” ta cuminsa cu su di cinco rotacion den Region Caribe. Capitan Roderik ta ansioso pa traha y trein cu su unidad den region. Como parti di e di 11 Batayon di Infanteria, e Regimento di Guardia di Granadero y Kasador (Grenadiers/Jagers), nan ta ser desplega normalmente for di helicopter of cu parachute, denter di e tres misionnan principal di e forsanan arma. E compania ta entrega poder di combati di calidad halto riba tera y for di laira.

Como un compania den West, e enfasis ta principalmente riba operacionnan na pia. Durante e proximo cuater lunanan, e unidad lo ser reforsa cu capacidad medico di e di 11 Compania Medico y un grupo di sistemanan aereo no tripula (Unmanned Aerial Systems UAS) cu drone. Ademas di ta cla pa realisa misionnan pa CZMCARIB, e enfoke lo ta riba su propio programa di entrenamento. E clima y medio ambiente ta provee ​​un oportunidad excelente pa traha riba desaroyo fisico y mental, liderazgo y determinacion dentro di e unidad.

Kapitan Roderik ta ansioso pa colabora cu partnernan di siguridad local y ta spera di bay haci di esaki un periodo agradabel y productivo.

Ehercito Real di Hulanda tin un compania permanente den Region Caribe. E unidad aki, comanda pa CZMCARIB, por ser desplega pa un variedad di tarea. Durante e proximo cuater lunanan, e compania lo ta train na Aruba, Boneiro, y tambe na Corsou.