Dianan 7 y 8 di november e prome minister lo haci bishita brevemente na Corsou y Aruba. E motibo y detayenan precies di e bishita di e mandatario Hulandes na e islanan no a ser revela.
Siguiendo esaki e prome minister lo biaha pa Santa Marta, Colombia, dia 8 di november pa asisti na e cumbre CELAC-EU. E cumbre aki ta ser organisa pa Comunidad di Estadonan Latino Americano y Caribense (CELAC) y Union Europeo (EU). E cumbre ta ofrece oportunidadnan pa sigui fortalece e asociacion entre UE y CELAC. Y pa confirma e posicion di EU como un partner confiabel di e region di LAC.
Prome cu su bishita na Aruba y Corsou, prome minister Shcoof lo asisti na e cumbre di clima di COP30 na Belém, Brazil, riba 6 y 7 di november 2025. Topiconan cu lo ser atendi durante e cumbre aki ta inclui contribucionnan di estadonan miembro pa logra e meta di 1,5 grado, adaptacion di clima, implementacion y financiamento di clima. Durante COP30, e prome minister lo dirigi su mes na otro hefenan di gobierno y lo participa den diferente sesion tematico.
