Diadomingo 30 di november Koningin Wilhelmina Fonds Aruba ta organisando e Ride, Walk & Run for the Roses, cu e aña aki ta celebra su di 11 aniversario. E Ride, Walk & Run for the Roses ta cuminsa pa 7’or di mainta. E actividad aki ta pa recauda fondo pa Koningin Wilhelmina Fonds por sigui brinda su servicionan na e comunidad di Aruba.
Si bo ta interesa pa participa, por registra via e link https://forms.gle/sj5NjVT5rArWRMTV7
Tambe por inscribi personalmente diasabra atardi 15 y 22 di november di 5pm – 7pm riba e parkinglot di Alhambra .
Lo tin diferente ruta pa e actividad aki cu ta sali for di parkinglot di Alhambra Casino bay direccion Highrise Hotels y bin bek termina na e parking lot di Alhambra Casino.
Walk & Run: Alhambra – Divi Phoenix- Alhambra (5km)
Ride: Alhambra – Hyatt- Alhambra (8km)
Participacion ta 25 florin y ta inclui un T-shirt y un rosa na final di e Walk tanten cu tin den stock.
Koningin Wilhelmina Fonds Aruba ta invita comunidad henter pa inscribi, contribui y participa pa duna un man na e organisacion cu tur dia ta duna sosten na comunidad y tambe ta contribui na salud di e pueblo.
