(NLTimes) – Polis na Maastricht a detene un miembro di Conseho di Ciudad di 32 aña pa menasa di core den un caya di compras yen di hende cu e intencion di core riba hende. E sospechoso, kende ta di e ciudad di Limburg, ta e mesun homber cu a habri e salida di emergencia di un avion di KLM na november ora cu e tabata move pa e pista di salida na aeropuerto Hartsfield-Jackson na Atlanta, De Limburger a informa.

E aresto riba acusacionnan di terorismo a tuma luga despues cu polis a confisca mensahenan di combersacion den cual el a describi di a dirigi su mes intencionalmente riba hende den un caya di compras cu su vehiculo, alegando cu e tabata “cla” cu sociedad. Banda di ta un miembro di Conseho di Ciudad na nomber di partido politico di derecha VVD, e tambe a bin ta trahando como un alto funcionario publico trahando pa e provincia di Limburg.

Riba website di e Conseho y VVA, e sospechoso ta aparece cu e nomber Jurgen van H. Segun informacion e ta luchando cu problemanan psicologico pa algun tempo caba, y ta cu AO pa motibo di malesa, tanto e corant como e emisora ​​regional L1 a informa. El a bay cu vakantie for di e provincia mas cu un aña pasa.

Van H. a keda deteni dia 7 di januari, pero su aresto a surgi solamente un siman despues. El a ser presenta dilanti di un hues comisario dos dia despues, y a ser manda pa prison mientras e investigacion ta sigui. E mester presenta dilanti un corte di distrito pa un audiencia dia 22 di januari.

“El a reporta malo un rato pasa pasobra e no ta den bon estado di salud. Jurgen tabata buscando un reemplasante den Conseho di Ciudad, pero esey no a sucede ainda,” lider local di VVD Guiseppe Noteborn a bisa den un comentario na L1.

Como ex-consehero principal di gobierno di coalicion provincial, Van H. tabata cla pa reeleccion pa su trabou den Conseho di Ciudad den eleccion di luna di maart. VVD lo no pone mas riba nan lista di candidato ora e carchinan di votacion ser imprimi.

Segun informe e tabata e mesun persona cu a ser identifica pa oficialnan na Atlanta como Johannes van H., e homber di 32 aña cu a causa un emergencia riba vuelo 622 di KLM ora e avion tabata cla pa sali pa Aeropuerto Schiphol na Amsterdam dia 25 di november. Den un panico, e homber Hulandes a yama 911 for di avion pa informa cu un otro pasahero tabata transporta arma di candela.

“Investigacion preliminar ta indica cu Van H. a kere cu el a mira un otro pasahero cu un arma y tabata parce di a drenta panico, finalmente a habri e porta di salida di emergencia y a desplega e slide inflable mientras e avion tabata moviendo riba e pista,” Departamento di Polis di Atlanta a bisa. No a haya un arma riba e avion ora a listra esaki.

Van H. a ser tuma den beslag, y a ser acusa di conducta imprudente, daño criminal na propiedad, y mishi cu medidanan di seguridad. E sospechoso “tambe tabata parce di ta experenciando un episodio di salud mental,” polis a bisa. El a ser hiba na e prison di Clayton County, y a ser deporta pa Hulanda poco despues.

E abogado di Van H. no a responde na peticionnan pa comentario di otro medionan di comunicacion. E provincia di Limburg tambe a nenga di duna comentario na De Limburger, yamando e situacion un “asunto priva.”