Aruba Hotel & Tourism Association (AHATA) ta acumula e cifranan di ocupacion y prijs di hotelnan tur luna y Presidente & CEO di AHATA, Tisa LaSorte, ta anuncia cu na 2025 e grado averahe di ocupacion tabata 76%, cual ta 6% menos cu na 2024.
Mientrastanto, cu 3 hotel nobo di valor halto y enfoke hotelero riba servicio y valor, por a logra un crecemento di 12% den e prijs averahe (ADR) pa cada camber bendi na 2025. Cu e ADR mas halto ainda por a logra cu e entrada averahe pa cada camber disponibel (RevPAR) a crece cu 5% na 2025, aunque cu ocupacion ta menos. RevPAR ta e indicador principal di un hotel su entrada y e crecemento ta indica cu e sector hotelero a contribui mas na impuesto pa ATA y gobierno compara cu e aña anterior.
E proyeccion actual pa ocupacion averahe di hotel na 2026 ta 77%.
