Manera tur hende ta na altura cu Mercado Santa Rosa ta masha popular. Na momento cu Departamento di Agricultura, Cria y Pesca Santa Rosa haci un evenemento di Mercado semper e reaccion ta uno grandi. No solamente den bishitante cu semper ta duna su aporte na esaki pero tambe di parti di vendornan cu ta contribui cu nan participacion na expone un of otro producto pa nos clientela por probecha. Hopi ta esnan cu ta pidi pa por haya un espacio pa promove nan producto local pero tin ora esaki ta yega su limite asina liher cu den varios caso tin otronan cu kisas no ta na tempo pa registra pa un espacio por keda afo.
Nos ta desea di haci un apelacion na tur nos vendornan cu dado caso bo tin interes pa por participa den un di nos mercadonan pa por registra cerca nos of via di un email info@santarosa.aw of por pasa personalmente na nos edificio cu ta situa na Piedraplat 114-A. Por tuma contacto tambe cu nos na tel: 585-8102. Corda si cu pone un descripcion di bo producto cu bo ta desea di ofrece den un di nos mercadonan. Tene na cuenta tambe cu e mester ta productonan produci localmente. E por ta logicamente den fruta, berdura of otro tipo di productonan manera producto natural. Den caso di cumindanan crioyo mester tene cuenta cu e “Carchi berde’ di Departamento di Salud Publico. Cada individuo cu ta bay atende cu cuminda of cualkier otro tipo di pasaboca mester tin nan Carchi valido pa por participa den nos mercado. Sin esaki lo no wordo permiti pa participa.
Nos ta desea di comparti tambe fechanan di Mercado Santa Rosa pa loke ta trata 2026. Januari 31, maart 7, April 26 (Opendag combinacion celebracion Dia di Tera), mei 30, juni 27(tentativo), juli 25(tentativo), augustus 29, september 26, october 25 combinacion celebracion Dia di Alimentacion, november 28, y december 12. Tene na cuenta cu por tin cambio den cualkier un di e fechanan aki pero logicamente nos lo comunica esaki cu publico riba nos pagina di Facebook di Santa Rosa Aruba y por sigui tambe tur informacion aki.
