(NLTimes) – Rob Jetten ta bisa cu e lo ta un “simbolo hopi bunita” si e mester a bira e prome minister president cu ta abiertamente gay di Hulanda. E lider di D66 ta bisa cu e ta “realmente ansioso” pa cuminsa. “Y e hecho cu mi ta den un relacion cu un homber tambe ta nifica algo pa e comunidad LGBTI, na Hulanda y rond mundo.” Jetten tambe lo ta e prome minister president di su partido.
Tambe Jetten a comparti cu e prospecto partnernan di coalicion, D66, VVD, y CDA, ta prepara pa presenta nan concepto di acuerdo di coalicion na nan gruponan parlamentario. Aunke e partidonan a bisa diamars anochi cu nan a bay di acuerdo riba e plannan principal, algun detaye mester ser finalisa ainda.
E politico di D66 a bisa cu e discusionnan riba e detayenan cu ta sobra no ta encera asuntonan controversial y ta simplemente tocante di revisa e acuerdonan haci caba.
E prospectivo prome minister a agrega cu e tres gruponan parlamentario lo revisa e acuerdo simultaneamente, aunke e no a specifica ki dia. Jetten a bisa cu e, hunto cu lider di VVD Dilan Yeşilgöz y lider di CDA Henri Bontenbal, lo reuni diahuebs (awe) pa duna e acuerdo “un seyo final di aprobacion.”
Jetten a bisa cu mester tene mas combersacion pa finalisa e detayenan, prome cu un otro reunion dirigi pa e informador, kende ta supervisa e proceso di formacion. “Nos kier double-check cu tur cos ta bon y prepara pa diabierna, ora e acuerdo di coalicion lo ser presenta,” el a bisa. Prome cu esey por sucede, e gruponan parlamentario di e tres partidonan mester firma e plannan, ku D66 ta rekeri aprobacion unanime.
Bontenbal no ta spera ningun desacuerdo bou di su Parlamentarionan. “Nos voceronan parlamentario a keda envolvi den hopi asunto, pues no ta como si fuera cosnan ta bini como un sorpresa.”
