E indice di “Cuminda & servicio di catering” a registra un aumento di 0.2% na December 2025, despues di a registra un aumento di 0.4% na November 2025. Esaki segun e Indice di Prijs di Consumo (CPI) mas recien publica pa Oficina Central di Estadistica.
E indice di “Cuminda na cas” (0.2%) a registra un aumento, unda seis (6) di e diesun (11) indice di e gruponan di cuminda na cas a subi na December 2025. E indice di “Fruta” a conoce e aumento di mas grandi (3.5%) na December 2025. Otro aumentonan significante a keda registra den e indicenan di “Batata, yuca y batata dushi” (2.2%), “Lechi, keshi y webo” (0.7%), y “Restante productonan pa alimentacion” (0.6%).
E caida mas grandi a keda registra den e indice di “Pisca y otro cuminda di lama” (-2.2%) na December 2025.
E indice di “Cuminda pafo di cas” a registra un aumento di 0.3% na December 2025.
Na December 2025, “Cuminda na cas” y “Cuminda pafo di cas” como grupo, tabatin un aumento di prijs di 0.2% compara cu November 2025 y hunto tabatin un influencia 0.04 ppt riba e CPI, mientras cu e restante bienes y servicio hunto a experencia un caida di prijs di 0.4% y tabatin un efecto di 0.36 ppt riba e CPI.
