(TheDailyHerald) – Parlamentarionan di oposicion na Sint Maarten, hunto cu parlamentario di coalicion, Ludmila de Weever, a bandona sala di Parlamento durante weekend, strobando e continuacion di un reunion urgente tocante e Departamentonan di Bombero y Ambulance pa motibo di falta di quorum.
Personal y representantenan di sindicato di departamento di Bombero y Ambulance kende tabata sinta den tribuna publico tambe a bandona e sala.
E walkout aki a sucede net prome cu e deliberacionnan tabata di schors pa e dia, tiki despues cu un mocion di desaprobacion a keda entrega contra prome minister, Dr. Luc Mercelina.
E walkout a keda impulsa durante e deliberacionnan final na momento cu presidente di parlamento, Sarah Wescot-Williams tabata splicando e presencia di vice-prome minister, durante cual parlamentario Lyndon Lewis a haci un intento pa papia. Wescot-Williams a bisa Lewis cu “ora mi ta haciendo un presentacion, no tin posibilidad pa interupcion,” loke a pone e parlamentarionan bandona e sala.
Parlamentarionan Egbert Doran, Ardwell Irion, Francisco Lacroes, Lyndon Lewis, Omar Ottley, Ludmila de Weever, y Darryl York a bandona e sala, hunto cu trahadornan di bombero y ambulance y representantenan di sindicato.
Esnan cu a keda den e sala a inclui parlamentarionan di coalicion, e presidente y secretario general di parlamento, vice-prome minister, minister VSA y nan coordinadornan.
Despues di e walkout, a haci un roll call y a determina cu no tabatin suficiente parlamentario presente pa continua e reunion. Prome cu schors, Wescot-Williams a procede cu su declaracion, notando cu parlamentarionan frecuentemente a lamenta ora ministernan ta ausente y nan representante no ta atende reunion. El a splica cu vice-prome minister tabata presente pa responde den ausencia di prome minister y a gradici e vice-prome minister y minister di VSA pa nan presencia, hunto cu nan coordinadornan.
Wescot-Williams a agrega cu no por continua cu e reunion sin quorum y a indica cu ta e reunion lo continua e siman aki.
Ta spera cu prome minister mes ta bay t’ey presente pa atende asuntonan pendiente y responde na e mocion den su contra.
