(NLTimes) – Corte di Apelacion na Den Bosch a dicta sentencianan mas abao cu e recomendacion di OM pa Peter S. di 63 aña y Nancy D. di 57 aña, ken a condena pa e abuso sexual di 7 mucha muhe di ken nan tabata cuida.
S a ricibi 8 aña den prison ademas di trato psikiatrico obligatorio, mientras cu D. a ricibi un sentencia di 14 aña den prison y un medida di supervision.
Na apelacion, OM (Ministerio Publico) a recomenda 18 aña den prison y tratamento psikiatrico na un facilidad di TBS pa ambos sospechoso. Sinembargo, corte a dicidi cu e sentencia no ta apropia, notando cu esaki no ta alinea cu castigonan imponi den casonan comparable.
Corte a dicidi cu e muhe a abusa sexualmente di 7 mucha muhe di entre 1 pa 6 aña durante 28 sesion di cuido for di september den 2019 pa juni di 2021. E homber ocasionalmente a observa via yamadanan riba telefon cu D. E caso a sali na cla ora cu e mayornan a revisa e grabacion di camara den camber cu nan a instala pa motibo cu nan yiu muhe tabatin problema pa drumi.
Corte a declara cu e acusadonan a enfoca solamente riba nan deseonan sexual, sin consideracion pa e sentimento of bienestar di e victimanan, ken nan a trata como obheto.
Den maart di 2023, ambos acusado a ricibi sentencia di 12 aña den prison. E tempo aki, solamente e homber tabatin orden adicional di tratamento obligatorio na TBS.
Bao apelacion, solamente S. a ricibi ordo pa tratamento psikiatrico, basa riba evaluacion experto cu a identifica varios desorden serio y un probabilidad halto di bolbe comete e crimen.
Pa D., ningun tratamento adicional a ser conseha, mirando cu su riesgo di bolbe comete e crimen a keda evalua como modera. Na luga di esaki, e medida di supervision ta permiti monitor di termino largo despues cu e completa su sentencia na prison.
