(AFP) – Cantante D4vd acusa dialuna di e asesinato y mutilacion di su pareha hoben, ken su curpa a ser haya den un Tesla bandona na Hollywood Hills.
E homber di 21 aña, ken su nomber real ta David Anthony Burke, ta enfrenta posible pena di morto pa e morto hororoso di Celeste Rivas Hernandez, ken su curpa a descubri den september, dianan prome di loke lo a ta su di 15 cumpleaños.
“Celeste tabata un mucha, net bao di 14 aña, ora cu David Burke a tin relacion sexual ripiti cu su persona,” Los Angeles su Procurador General Nathan Hochman a bisa.
“Ora cu el a menasa pa expone su conducta criminal y destrui su carera musical, Burke aparentemente a mat’e, corta su curpa y hinca su curpa edn dos saco cu a pone den e bahul di su auto.”
Hochman a bisa cu Celeste su curpa mutila a keda putri pa 4 luna te cu a descubri esaki. “E asesinato hororoso cometi pa e depredador sexual ta impactante y sorprendente. Na Celeste su sernan keri: nos lo busca e husticia cu boso ta pidi y merece.”
Burke a haya fama riba internet den 2022 ora cu su cantica “Romantic Homicide” a bira un hit na TikTok.
E tabata riba un tour nacional ora cu detective a ser yama pa un deposito di auto cu a tow, ora cu bisiñanan a keha di un holo terible biniendo for di un vehiculo cu a tow.
E Tesla, cual ta registra bao nomber di Burke na Texas, tabata para banda di caya na Hollywood Hills alrededor di un luna prome cu a tow esaki. Sinembargo, investigadornan ta kere cu Celeste su curpa por a tin hopi tempo mas den e bahul.
“E condicion di su curpa ta keda den examinador medico su habilidad di por determina e causa di morto,” polis di Los Angeles Jim McDonnell a bisa na e conferencia di prensa.
“E cantidad di tempo substancial cu a pasa entre su morto y descubrimento di su curpa ta nifica cu evidencia crucial a degrada of desaparece.”
Burke ta enfrenta un cargo cada un di asesinato, abuso sexual continuo di un mucha bao di 14 aña y mutilacion ilegal di restonan di ser humano. Un abogado a drenta declaracion di inocencia durante presentacion den corte na Los Angeles riba dialuna.
Burke a ricibi ordo pa presenta den corte atrobe diahuebs. E ta keda bao detencion.
E artista su abogadonan siman pasa a rechasa cu nan cliente a asesina e hoben. “Laga nos ta cla, e evidencia actual den e caso aki lo mustra cu David Burke no a mata Celeste Rivas Hernandez, y e no tabata e causa di su morto,” un declaracion di abogadonan Blair Berk, Marilyn Bednarski y Regina Peter a bisa.
“Nos lo vigorosamente defende David su inocencia.”
Celeste, ken a biba na Lago Elsinore, na parti oost di Los Angeles, ta reporta desapareci pa su mama den 2024, cu 13 aña di edad.
Su mama a bisa reporteronan cu su yiu muhe tabatin un pareha yama David.
Videonan ta mustra cu Burke tin un tattoo riba un di su dedenan cu ta pas cu esun bisando “Shhh” cu Los Angeles County Medical Examiner a revela anteriormente cu tabata riba dede di Celeste.
E par tambe a ser mira riba websitenan di streaming hunto.
