Militarnan Arubiano y Curasoleño (CARMIL) a train e siman aki na Aruba hunto cu e Unidat Mobil (ME) di Cuerpo Policial Aruba (KPA) y e Unidad K9 di KIA (Instituto Coreccional Aruba). E ehercicio ta enfoca riba actuacion di desescalacion durante disturbionan civil, tambe conoci como “Beteugelen van Woelingen” (BVW), (Supresion di Disturbio) y ta prepara e partnernan militar y di siguridad Caribense pa responde na disturbionan di orden publico.
Training a tuma lugar tanto na Kazèrne di Marina Savaneta como na otro sitio durante e dianan cu a pasa. Riba diahuebs, 23 di april, e scenario final di e ehercicio a tuma lugar den e ‘pueblo bieu di Esso’ cu yama Seroe Colorado. Den un scenario realistico, Gobernador di Aruba ta wordo confronta cu un grupo di manifestante cu ta busca pa regla cuenta cu e alcalde di un pueblo. Segun cu e situacion ta menasa di escala, asistencia militar ta wordo yama den forma di un peloton di soldad.
E ehercicio ta consisti di varios sub-scenario den cual e tensionnan entre manifestantenan y autoridadnan a escala. Durante e scenarionan aki, tropanan di Caribe ta wordo confronta cu violencia creciente. Central den e ehercicio final aki ta desescalacion y cooperacion cu socionan di seguridad local.
Pelotonnan di Supresion di Disturbio
Como un partner di seguridad relevante pa duna asistencia militar na Aruba, Corsou, Sint Maarten, y e islanan BES (Bonaire, Sint Eustatius, y Saba), CZMCARIB tin dos peloton di (‘riot supression’) supresion di disturbio entrena na su disposicion. E unidadnan aki ta completamente ekipa pa personal di CARMIL y ta desplegabel pa sostene orden y seguridad publico. Tanto Corsou como Aruba tin nan propio peloton di BVW y ta practica regularmente diferente scenario. Danki na e tipo di ehercicionan aki, tropanan di Caribe ta keda prepara pa diferente scenario den caso di disturbionan di orden publico.
