(AFP) – Robotnan por core un mita marathon, box, y awo gana hendenan elite den tennis di mesa, segun unidad di inteligencia artificial di Sony a bisa den un investigacion publica diahuebs.
Un team di e compania Hapones a construi un brasa robotico cu ta funciona cu AI, por wanta un pala di ping-pong, cu por percibi, reacciona y debolbe e bala cu “e velocidad y spin intenso di tennis di mesa di nivel elite”.
E investigacion a ser publica den e revista cientifico Nature.
“Ace” ta un robot industrial mesun grandi cu e mesa di tennis di mesa, pero e por tuma decisionnan den fraccion di segundo y ehecuta movementonan precies cu forsa, segun Sony AI.
El a gana tres di cinco wega contra e grupo elite, mientras otro weganan tabata “competitivo,” e compania a bisa.
Pero Ace a sigui mehora su rendimento hasta despues cu e paper a ser entrega na Nature, ganando partidonan mas reciente contra profesionalnan cu velocidad di golpi mas halto, colocacion mas agresivo cerca di rand di mesa, y recuperacion mas rapido, Sony AI a bisa.
“Resolve un problema cu ta rekeri deteccion y control excepcional den tempo real. E investigacion aki ta pone base pa sistemanan AI cu por opera den forma sigur y confiabel den ambiente fisico dinamico, for di situacionnan critico di seguridad te dominio interactivo den tempo real,” e compania a bisa.
Robotnan anterior cu tabata hunga tennis di mesa por a mantene rallynan, pero nunca a pasa nivel amateur, Sony AI a bisa.
“Unabes AI por opera na nivel experto humano bao di e condicionnan aki, e ta habri porta pa un clase nobo di aplicacionnan den mundo real cu anteriormente tabata fuera di alcance,” Peter Stone, Cientifico Principal di Sony AI, a bisa.
