Diasabra pa 3:25 di atardi, Central di Polis a keda informa cu na un cas na Bubali un persona lo a pone fin na su bida. Patruya ta keda despacha cu urgencia na e sitio di e sucedido y ambulance tambe.
Na yegada di e patruya por a bin compronde cu un hende homber a pone fin na su bida door di a haci uso di un arma di candela.
Ambulance ta yega na e sitio y ta duna e victima asistencia medico, pero lamentablemente no por a haci mas nada p’e.
Recherche, polis tecnico y tambe departamento di slachtofferhulp a keda poni na altura di e sucedido.
Dokter forensico Dr.Wemejier a presenta na e sitio y ta constata morto di e homber di inicial E.E.T. naci na Aruba cu 68 aña di edad.
Caso ta bao investigacion y den man di departamento di recherche pa descarta si ta trata di un crimen of no.
Cuerpo Policial Aruba y Bon Dia Aruba ta manda palabra di condolencia na e famia di e fayecido.
