Wardacosta di Caribe Hulandes ta intercepta un transportacion di droga 

Barco di Marina Real Hulandes, Zr.Ms. Friesland  a intercepta un transportacion di droga riba diahuebs 23 di april riba lama Caribense. E barco di Marina Real Hulandes tabata nabega bao di bandera di Wardacosta di Caribe Hulandes. 

Riba diahuebs 23 di april, Wardacosta di Caribe Hulandes a tuma nota di un boto cu droga nabegando riba lama Caribense.  Zr.Ms. Friesland a reacciona mesora i tambe a manda dos boto tipo FRISC den direccion di e boto.

E tres tripulante riba e boto a entrega nan mes sin niun tipo di resistencia.

E droga y e tres sospechoso a ser entrega na miembronan di Cuerpo Policial (KPA) aya na Steunpunt di Wardacosta na Savaneta. Mientras tanto a destrui tur droga.