(NLTimes) – Secretario di Estado di Infrastructura y Maneho di Awa Annet Bertram a informa Tweede Kamer tocante e principionan pa compensa importador y bendedornan di klapchi pa perdidanan causa pa un proximo prohibicion nacional riba klapchi pa consumidor.

Ta calcula cu e plan lo costa alrededor di 90 miyon euro. Como cu compensacion di desbentaha ta un areglo habri, e suma final por ta mas halto of mas abao, pues gobierno a reserva 100 miyon euro. Compensacion di desbentaha ta un pago pa perdidanan financiero desproporcional causa pa accion legal di gobierno.

E anuncio ta cumpli cu e condicion final cu Parlamento a pone pa e prohibicion, cu tin como meta reduci e tipo di daño cu a mira fin di aña ultimo. Personanan priva a sufri un calculacion di 16 miyon euro na daño y perhuicio asegura, segun cifranan inicial di e Asociacion Hulandes di Aseguradonan publica na januari 2025.

Aña pasa, Parlamento a aproba un ley di iniciativa proponi pa GroenLinks-PvdA y Partij voor de Dieren cu ta prohibi benta y uso di klapchi door di consumidornan.

Tweede Kamer a agrega tres condicion: reglanan pa exoneracionnan local, un plan di ehecucion, y compensacion husto pa negoshinan afecta. E gabinete ya a fiha e reglanan di exoneracion local, cu awor ta bao di revision di Conseho di Estado, y e minister di Husticia y Seguridad a manda e plan di ehecucion pa Parlamento. Bertram su carta ta trata e parti di compensacion.

Importadornan lo ricibi compensacion basa riba tres aña di ganashi perdi pa e periodonan di Aña Nobo binidero, mas pagonan extra pa otro gastonan manera despedida di personal y perdida riba stock cu ta sobra.

E bendedornan lo tin un sistema mas simpel y mas lihe: un aña di ganashi perdi cu un margen di 15%, mas un 3.500 euro fiho pa compania. E suma extra ta destina pa yuda operadornan mas chikito, por ehempel, door di cubri e gastonan di termina un huur.

E diferente regla ta refleha con e sectornan ta funciona. Comercio di klapchi ta e actividad principal pa importadornan, cu un ciclo di compra-y-benta di mas o menos 16 luna. Pa hopi bendedor, e ta un negoshi na banda di nan negoshi principal.

Bertram a bisa, “Nos mester, como gabinete, atende cu e derecho riba compensacion di desbentaha di un banda y e reglanan rond di ayudo estatal di otro banda. Den e cuadronan aki, nos a busca un compensacion corecto y husto pa empresarionan di klapchi. Den e evaluacion, a tene cuenta cu e prohibicion di klapchi tabata biniendo pa algun tempo y tabata previsto pa e bendedornan aki. Na mesun momento, tin comprension pa e consecuencianan di e prohibicion, tanto pa e importadornan como pa e bendedornan Hasta si e comercio di klapchi, den caso di e doñonan di tienda, ta un actividad secundario, esey no ta nifica cu e no ta haci dolor.”

Cu tur tres condicion awor cumpli, e gabinete ta considera e caminda cla pa e prohibicion. Tanto Tweede Kamer como Eerste Kamer ainda por contesta e reglanan di compensacion y e decision di ki dia e prohibicion ta drenta na vigor. Gobierno tin como meta pa e prohibicion cuminsa 1 di augustus pa e ta aplicable pa e siguiente fin di aña.