(AFP) – Francia ta prepara pa otro ola di calor, cu Paris permitiendo landamento den un di su canalnan diaranson, pa asina su residentenan por soporta e temperatura.

Esaki ta bay ta e di dos racha di calor inusualmente halto e aña aki, despues di un siman cayente na mei cu a kibra record na mita di e pais.

“Un episodio di ola di calor gradualmente ta bay yega e pais e siman aki,” segun Christelle Robert, di servicio nacional di tempo, Meteo-Francia.

Temperatura a alcansa 37C na algun area diaranson, y ta spera di peak na 40C den algun region diadomingo, mientras e pais ta celebra solsticio di berano cu su festival nacional anual di musica, “La Fete de la Musique”.

Sistema nacional di clima a emiti un alerta pa ola di calor diaranson laat pa e siguiente dia, bsiando cu temperatura lo ta inusualmente halto den region di Paris y mayoria di parti oriente di e pais.

E temperatura halto ta yega mientras studiante na Francia ta tumando nan examen final di scol secundario. Short, T-shirt y paña los tabata mira mientras studiantenan a drenta scol Saint-Exupery na Lyon.

Na Paris, a permiti landamento for di diaranson atardi bao supervision di lifeguard den un parti di e canal Saint-Martin den oriente di e ciudad.

Hobennan a bula den e canal durante e siman cayente luna pasa.

“Gasta un cantidad enorme di energia, polis municipal y polis nacional pa stop hobennan di landa ora ta 40 grado… a parce nos un tiki absurdo,” alcalde di Paris, Emmanuel Gregoire a bisa diamars anochi, sinembargo, recordando hobennan cu bula for di brug ta peligroso y ta keda prohibi.

Alexandra Cordebard, alcalde di e di 10 districto di e capital, a bisa cu permiti landamento den e canal mas trempan cu loke ta programa pa juli tabata un “manera nobo di combati cambio di clima y adapta e ciudad.”

Den berano, tambe ta bay permiti hende pa landa na puntonan designa di e Riu Seine, despues cu a habrie back pa landadornan berano ultimo pa prome biaha den un siglo.

Paris a gasta mas di un biyon euro pa haci e riu suficiente limpi pa usa durante Olimpiada 2024.

Estudio y cuerponan cientifico ta di acuerdo cu ola di calor na Europa ta birando mas frecuente como consecuencia di cambio di clima.

Meteo Francia ta bisa cu di e 51 ola di calor registra na nivel nacional desde 1947, 34 a sucede desde aña 2000 y 26 desde 2011.

Temperatura global averahe probablemente ta bay keda na of cerca di nivel record e aña aki y pa proximo cuatro aña, segun Nacionnan Uni a adverti.