(AFP) – Presidene di Siria Ahmed al-Sharaa a nenga diadomingo cu su pais ta busca interveni di manera militar na Libanon unda Israel y Hezbollah ta na guera, despues cu Presidente Donald Trump den varios ocasion a sugeri cu Damascus por involucra.
“Nos ta mirando canalnan economico entre Libanon y Siria, no esnan militar,” Sharaa a bisa den un entrevista riba television.
Diadomingo, Trump a bisa Fox News cu e ta “desapunta cu Israel no por caba cu Hezbollah,” agregando haciendo referencia na e lucha contra e grupo militante: “Mi ta cerca di entrega esaki na Siria.”
Hezbollah a hinca Libanon den e guera na Medio Oriente dia 2 di maart cu tiro contra Israel pa venga di e asesinato di su sostenedor Iran su lider supremo dianan anterior.
Un acuerdo firma entre Iran y Merca e siman aki tocante caba cu e conflicto regional ta inclui Libanon, unda e bataya a keda den pausa desde diasabra atardi.
Na e cumbre di G7 na Francia e siman aki, Trump tambe a bisa cu “si Israel no por haci e trabao (contra Hezbollah) sin mata tur hende, eora e (Sharaa) lo haci e trabao. Siria lo haci e trabao.”
Sharaa a bisa den diadomingo su entrevista cu “nos a propone na Merca cu e guera mester stop,” agregando cu “mester tin varios solucion, incluyendo economico, politico y social y e re-establecimento di relacionnan y e economia vital entre Siria y Libanon.”
“Banda di esaki, algun medida di seguridad cu ta responde prome na preocupacionnan di Siria y Libanon y tambe e preocupacionnan di Israel,” el a agrega.
Hezbollah a lucha banda di e hefe di Siria Bashar al-Assad den su pais su guera civil, cual ta haci Sharaa e autoridadnan nobo cu a tumba e ex lider na 2024.
Siria a domina su bisiña pa 4 decada despues di intervencion militar na Libanon su guera civil, retirando solamente na 2005, cual ta haci cualkier rol militar un proposicion.
Siria ta ofrece “varios herment pa tin un impacto positivo cu Libanon, pero esaki ta depende primeramente riba Libanon su acuerdo,” Sharaa a bisa.
“Siria ta grandemente preocupa cu Libanon su situacion domestico pa motibo cu Libanon su seguridad y stabilidad t forma parti di Siria su seguridad y stabilidad,” el a agrega.
