Diahuebs pa 12:57 di merdia, Central di Polis a keda informa di un accident entre un auto Hyundai blanco y un brommer Suzuki Hayabusa blanco riba Green Corredor direccion rotonde Pos Chiquito bayendo Oranjestad.
E chauffeur di e brommer no tabata reacciona, p’esey polis y ambulance ta ser despacha na e sitio di e sucedido cu maximo urgencia.
Na yega di polis en berdad ta encontra cu e accidente na unda e chauffeur di e brommer no ta reacciona.
Ambulance ta yega na e sitio y ta duna asistencia medico na e victima, pero no por a haci nada mas p’e.
Dokter Forensico a yega na e sitio y ta constata morto di Jeanemarc van der Biezen naci na Aruba 27 januari 1994 (32 aña di edad).
Specialista di trafico a presenta como tambe polis tecnico pa asina haci nan investigacion.
Departamento di slachtofferhulp tambe a presenta pa duna sosten na famia y conocirnan.
Cuerpo Policial Aruba y Bon Dia Aruba ta manda palabra di condolencia na famia di e fayecido.
