(NLTimes) – Ceo di ProRail John Voppen a bisa cu el a conscientemente viola Hulanda su Aanbestedingswet pa por ehecuta mantencion urgente di e rail cu e tabata considera necesario pa seguridad, aunke reglanan di contract ta preveni asigna e trabao na contratistanan existente.
Voppen a admiti esaki den un entrevista cu De Volkskrant. El a bisa cu e problema aki a surgi pa motibo cu contractnan di mantencion di ProRail cu contratistanan tipicamente tin un duracion di 5 aña. Ora cu reparacion inespera ta necesario durante e periodo aki, e reglanan por preveni cu ProRail lo asigna e trabao adicional na e mesun contratista, pa motibo cu haci esaki por ser mira como duna un bentaha cu no ta faborable na e compania ey.
El a describi cu el a mira deterioro na e ruta cu ta rekeri reparacion inmediato. “For di un punto di bista tecnico, bo djis kier drecha esey. Pero e no ta permiti bao ley. Mi a bisa: nos ta bay hacie toch. Si tin tempo pa drech’e, djis drech’e,” Voppen a bisa.
E tabata explicito cu e decision tabata un violacion legal delibera. “Na final, ami ta responsable pa un caretera di trein confiable y safe. E ora bo no por djis bisa: nos a lag’e pasa pasobra un contract no ta permiti,” el a bisa.
