(AFP) – Erling Haaland a anota dos gol y a sigura e victoria pa Noruega, mandando e pais pa prome biaha na cuarto final di Copa Mundial cu un victoria di 2-1 contra Brazil cu a manda e 5 biaha campeon cas lo mas trempan cu nan a yega di mira desde 1990.
Keeper di Noruega, Orjan Nyland, a haci un tremendo trabao y a salba un penalty for di Bruno Guimaraes prome cu Haaland a logra 2 gol den e ultimo 11 minuut, lagando Brazil den shock na MetLife Stadium.
Neymar a logra un gol durante e di dos tempo di e wega.
Haaland su gol a hib’e na mesun nivel cu Lionel Messi, cu 7 gol pa e torneo mientras Noruega ta sigui pa enfrenta sea cu Mexico of Inglatera na Miami dia 11 di juli.
Pa Brazil, ken a contrata Carlo Ancelotti pa caba cu un derota di 24 aña na Copa Mundial, esaki ta marca e di 6 torneo tras di otro unda un opositor Europeo a saca nan for di e competencia.
“Esaki ta djis un dia loco,” Haalan a bisa. “E ta un di e dianan mas loco den historia di Noruega.”
Gabriel Martinelli a ser premia pa anota un gol gañado contra Hapon den e ronda anterior, mientras e hungador di Arsenal tabata reemplasa Lucas Paqueta ken ta lesiona, marcando e unico cambio den Brazil su ekipo.
Noruega tabata impulsa pa e regreso di Julian Ryerson, e defensa di Borussia Dortmund cu un biaha mas por a hunga despues di ta ausente pa 2 wega, debi na un lesion.
Patrick Berg a pensa cu el a duna Noruega e posicion lider despues di 3 minuut, sinembargo a declara su esfuerso como uno cu ta offside.
Despues di un comienso dificil, Brazil a gana un penalty ora cu Kristoffer Ajer a accidenta cu Matheus Cunha.
Brasileronan a keda furioso mientras referee Ismail Elfath inicialmente a ignora nan apelacion, sinembargo VAR a interveni y e decision a ser cambia.
Guimaraes a bin dilanti, pero Nyland a premira corectamente, parando e penalty.
Nyland un biaha mas a bin na rescate di Noruega, cu un toque crucial pa Martinelli su intento di anota un gol, parando esun di Guimaraes.
Ora cu Martin Odegaard a perde posesion di e bala, Nyland un biaha mas a salba e wega ora cu el a para e intento di Vinicius Junior.
Haaland no a haci un impacto significante, sinembargo su forsa a crea un apertura pa Noruega prome cu mita tempo. E l a causa problema pa Garbiel Magalhaes y Marquinhos den e defensa di Brazil prome cu e bala a bay pa Odegaard, ken su intento a ser para pa Alisson Becker.
E entrada di Neymar durante e di 67 minuut a causa furor, cu emocion di e audiencia cu den gran parti tabata na banda di Brazil.
Noruega eventualmente a logra un desempate, cu Scjelderup mandando e bala y Haaland bulando riba Gabriel logrando un gol cu cabesaso.
Mientras Brazil a purba di yega un empate, un save di Nyland a preveni Ajer for di hinca e bala den su propio net.
Haaland a duna Noruega espacio pa hala rosea mientras e tabata keda den skina durante e di 90 minuut.
Esaki a comproba di ta vital despues di un discusion entre keeper Nyland, ora cu Casemiro a dal e cu su elleboog.
Por a mira Neymar cu lagrima na su wowo, cu su carera bistiendo e uniform di Brazil den duda.
