Diasabra atardi 19 di september, Centro Operacional Maritimo (MOC) di Wardacosta a ricibi un mensahe for di un barco di carga den necesidad di asistencia medico. E barco tabata nabega den nos area di responsabilidad di rescate.
Ta trata di un hende homber di nacionalidad Filipino di 56 aña di edad, cu no por cana. No tin un medico riba e barco y pa e motibo ey tabatin necesidad di un evacuacion medico.
Personal di MOC a tuma contacto cu e medico di CITRO na Corsou, cu a constata cu e persona mester ricibi tratamento medico mas lihe cu ta posibel.
Inmediatamente a alerta personal di e helicopter di Wardacosta pa sali den direccion di e barco, pa asina por hiba e pashent na Queen Beatrix International Airport na Aruba.
Miembronan di ambulance tabata presente na aeropuerto pa asina hiba a turista hospital pa ricibi tratamento medico.
