E luna aki varios studiante di Universidad di Aruba a gradua for di nan programa Organization, Governance and Management (OGM). E graduadonan aki a haya nan Bachelor diploma despues di a defende nan tesis exitosamente.

E graduadonan ta inclui:

Vanessa Giel

Vanessa a obtene su titulo dia 21 di september 2026. Vanessa a defende su tesis titula ‘An Analysis of Service Quality and its Influence on Client Satisfaction and Client Loyalty at Notary Yarzagaray, unda a investiga e calidad di servicio na Notariskantoor Yarzagaray y con esaki ta influencia e satisfaccion y e lealtad di su clientenan, cu e meta di duna e notariskantoor recomendacionnan basa riba e contestanan di e clientenan cu a participa den e investigacion.

E comision di graduacion tabata consisti di Judelca Briceño, M.Sc., Mandy Laclé, M.Sc. y Verenuska Rincón Bravo, M.Sc., Directie Volksgezondheid.

Sarai Carrion

Sarai a obtene su titulo dia 2 di september 2026 despues di defende su tesis titula ‘Using Instagram to Strengthen Stakeholder Engagement and Promote Health Awareness: A Data-Based Communication Approach for E Curandero Aruba. Sarai Carrion a investiga con E Curandero Aruba por uza Instagram como un medio di informacion pa aumenta consciencia tocante salud y motiva e comunidad pa ta mas consciente di nan bienestar.

E comision di graduacion tabata consisti di Judelca Briceño, MSc, Zuinaica Philips, MSc y Dahariana Evertsz, MA – Head of Department of Health Promotion, DPH.

Edylliene Maduro

Edylliene a obtene su titulo dia 14 di september 2026 despues di defende su tesis titula Perceptions of Quality of Care Among Staff in Elderly Care Facilities: A Qualitative Case Study of SABA unda el a investiga e perspectiva di trahadornan riba calidad di cuido na Adulto Mayor na SABA.

E comision di graduacion tawata consisti di dr. Mieke de Droog, Thesis Supervisor, drs. Jacques van der Scheer, segundo supervisor, dr. Sulima Geerman – Director SABA- 3rd Reader.

Sabrine Setrodjemino

Sabrine Setrodjemino a obtene su titulo dia 7 di september 2026 despues di defende su tesis titula ‘Building Bridges: Policy-Related Enablers and Barriers Influencing Potential Collaboration Between Directie Volksgezondheid and Quick-Service Restaurants in Obesity Prevention in Aruba. Sabrine Setrodjemino a investiga un tema ainda poco explora na Aruba, den cual actualmente no tin un colaboracion formal entre Directie Volksgezondheid (DVG) y Quick-Service Restaurants (QSRs) den prevencion di obesidad. E investigacion a explora e potencial pa tal colaboracion, identificando e factornan relaciona cu beleid cu por facilita of dificulta esaki, y a formula recomendacionnan pa promove un colaboracion efectivo.

E comision di graduacion tawata consisti di dr. Mieke de Droog, Valerie Maduro, MA y dr. Esther Vermeulen, Directie Volksgezondheid.

Hopi pabien na e graduadonan!