(AFP)—Alvin Hellerstein, un hues Mericano encarga cu e caso contra ex-presidente Venezolano Nicolas Maduro, a fayece na edad di 92 aña, un oficial a bisa diaranson.
Como un di e huesnan federal mas bieu na Merca, pregunta a lanta tocante si e tabata e hues corecto pa presidi tocante kico por ta un huicio prolonga pa Maduro riba cargonan di traficacion di droga.
Hellerstein su carera largo a inclui maneho di casonan civil surgiendo for di atakenan terorista di Al-Qaeda dia 11 di september 2002 riba New York y Washington, frecuentemente rechasando acuerdonan cu el a mira como inhusto pa demandantenan.
Su morto a keda confirma pa Corte di Districto di Merca, Districto Sur di New York, unda el a traha. Un documento di corte a mustra cu e caso a ser reasigna pa Analisa Torres, naci na 1959.
Hellerstein tambe a drenta den conflicto cu Donald Trump, rechasando un peticion pa e presidente pa tin su caso di pago pa silencio movi pa corte federal. Aña pasa, el a blokia e administracion di Trump pa deporta presunto miembronan di gang Venezolano sin un audiencia den corte.
Den un veredicto na 2015, Hellerstein a duna orden na gobierno Mericano pa libera un coleccion di potret mustrando e abuso di detenidonan na Irak y Afganistan. Tambe e tabata encarga di un huicio aña pasa den cual un hurado a haya cu e trabao di compania bancario Frances BNP Paribas a yuda establece e regimen di ex-gobernante Omar al-Bashir, dunando compensacion di 20.75 miyon dollar den daño na tres demandante for di Sudan.
Hellerstein a maneha e caso di trafico di droga di Maduro pa mas cu un decada, cual ya a mira e condenacion di ex-hefe di inteligencia Venezolano, Hugo Armando Carvajal.
Maduro a ser captura pa forsanan Mericano na januari den un inval militar riba su tereno na Venezuela. Un graduado di Columbia University, Hellerstein a sirbi como un abogado den ehercito Mericano for di 1957 pa 1960 prome cu el a cuminsa su practica priva.
El a keda nomina pa ex-presidente Bill Clinton na 1998 pa ta hues di corte di districto pa Districto Sur di New York.
