(Infobae) – Agencia di estadistica di Departamento di Energia ta predeci cu sector comercial lo usa mas electricidad cu casnan y cu tarifa residencial lo subi mas cu 5%,
Consumo di electricidad na Merca lo yega na un record di 4,306 biyon kilowatt-ora na 2026 y aproximadamente 4,37 biyon na 2027, segun Energy Information Administration (EIA), agencia di estadistica di Departamento di Energia.
Na 2025, consumo tabata 4,216 biyon kilowatt-ora, tambe un record historico. Si e proyeccion realisa, 2026 lo ta di tres aña consecutivo cu un record nobo, segun Reuters riba e rapport cu EIA a publica dia 10 di november.
E agencia ta atribui gran parti di e aumento na data centernan dedica na inteligencia artificial y na casnan y negoshinan cu ta usa mas electricidad y menos combustibel fossiel pa verwarming y transporte.
Texto di EIA tambe ta splica e aumento for di otro angulo: e ta señala demanda for di sector comercial, cu ta inclui tiendanan, oficinanan y otro servicionan, ademas di temperaturanan halto di zomer pasa, como causanan.
Sector comercial lo pasa consumo di cas
Benta di electricidad na sector comercial lo yega na 1,557 biyon kilowatt-ora na 2026, segun tablanan di EIA.
Casnan lo consumi 1,546 biyon kilowatt-ora, locual ta pone sector comercial riba sector residencial.
Ambos cifra ta pasa nan nivel di 2025: 1,503 biyon pa comercio y 1,519 biyon pa casnan.
Industria, cu 1,061 biyon kilowatt-ora, lo keda net bao di su record di 2000 di 1,064 biyon.
Na 2027, e diferencia lo bira mas grandi.
EIA ta proyecta 1,600 biyon kilowatt-ora pa sector comercial y 1,539 biyon pa sector residencial, cu ta ser spera pa baha pa motibo di un zomer menos cayente.
Industria lo subi na 1,086 biyon kilowatt-ora, un record nobo.
Generacion di companianan electrico lo yega cerca di 4,39 biyon kilowatt-ora na 2026, un aumento di 2,7% compara cu record anterior.
Na 2027, crecemento lo ta mas slow, aproximadamente 1,2%, segun e agencia.
