No tin quorum pa e reunion publico di Codigo Civil, esaki kiermen cu no tin mayoria pa por continua cu e reunion. Parlamentarionan di MEP y Andin Bikker di PDR tabata presente, fraccion di AVP y Ministernan Croes y Dowers no a presenta.
Di e 21 parlamentario tin 8 so presente, mester minimo 11 pa tene reunion publico segun Presidente di Parlamento Marisol Lopez – Tromp. consecuentemente e reunion a wordo posponi un biaha mas te cu 8 di september.
Segun pagina di Facebook di parlamentario Desiree De Sousa – Croes, e reunion a wordo posponi a peticion di Sr. Bikker den nomber di otro fraccionnan a pidi mas tempo pa yega na concensus riba entre otro derechonan pa e comunidad LGBT na Aruba pero tambe riba otro puntonan cu kier mira cambia.
