Awe mainta, mientras partido Hubentud Treciendo Cambio ‘HTC’ tabata haci campaña den bario di Noord, specificamente na caya Semeleerstraat, e lider di e partido Gilbert Webb hunto cu otro dos candidato a haya un agresion di parti di tres persona hoben cu tabata den auto.
Segun loke Webb a sigura, despues un di nan a baha for di auto y a dal Webb, loke a causa un herida. Un rato pasa Webb a expresa pa Bon Dia Aruba cu e hunto cu e otro dos candidato a bay Recherche pa entrega un keho y asina autoridadnan por detene e persona cu a comete e acto castigabel aki.
