(BES-reporter) – Siman pasa, a tuma lugar e firmamento oficial di e ‘Acuerdo di Cooperacion Administrativo relaciona na e Stacion Sensor Galileo (GSS) riba isla di Bonaire (Hulanda)’ na e Centro di Referencia Galileo na Noordwijk.

Den e acuerdo di cooperacion a haci acuerdonan tocante rol y responsabilidadnan, gastonan y planeamento pa e realisacion di e GSS riba Bonaire entre ministerio di Infrastructura y Maneho di Awa y e Agencia di Union Europeo pa Programa Espacial (EUSPA).

Director Peter Diez a firma den nomber di e ministerio, y director di EUSPA, Rodrigo da Costa a firma den nomber di EUSPA.

Gobernador di Bonaire, Edison Rijna a atende e acto oficial a traves di un conexion online. El a gradici ambos organisacion pa nan contribucion. “A haci e escogencia pa Bonaire y mi ta bay duna mi sosten completo na e proyecto aki”, Rijna a bisa.

Cu firmamento di e acuerdo di cooperacion aki, e comienso formal tambe a ser duna pa e realisacion di GSS na Bonaire, cual mester ta operacional pa comienso di 2024.

LEAVE A REPLY

Please enter your comment!
Please enter your name here